簡單。不簡單。
露絲瑪利煎焗海班柳。配白酒香檸蛋黃汁
小B最近在做天灸，不能食蝦蟹海鮮，只能食魚！而老友張氏夫婦就誓要做小B廚房的第一枱客人😝無計，下午立即去搜尋一下有否易做又特別的食法！左拼右拼之下，就決定煎魚！原先想買急凍的，但揀唔落手，最後就去街市買條$120游水海班！但挑戰黎啦😅就係起魚柳，我睇電視就睇得多，自己就第一次啦！😁好彩都順利完成👏👏👏當我準備食材時，不停地想著跟住點做，程序怎樣可以在短時間煮起所有的菜餚！的確係一個考驗，而且亦係耐力戰！
這樣煎焗魚柳的西式做法，真係可以鎖住魚肉的鮮味及魚汁！做到皮脆肉嫩的效果😋再加上酸酸甜甜的白酒汁，的確可以再提升魚的味道，無得頂👍再配上我拿手的金不換醬意粉，泰式凍鮑魚，馬拉盞炒毛茄，葡式煮沙白，及致命的❤️心太軟，張氏夫婦已經心滿意足地舉手贊好食😋
材料:
。海班柳兩塊，抹乾水
。新鮮Rosemary香草一條，除葉切碎！
。檸檬皮碎，適量，約一個檸檬的表皮，注意不要刮到白色，只要表面的黃色表皮！
。海鹽，適量！
。將以上醃料搽在魚身兩面，醃30分鐘
白酒香檸蛋黃汁做法:
。蛋黃醬兩湯匙
。檸檬汁三茶匙
。白酒三茶匙
煮法:
。燒熱鑊落油，先煎魚身約兩分鐘至金黃色，再反轉煎魚皮約兩分鐘，然後剩起放入預熱230度焗爐，焗大約5分鐘，時間主要看你的魚的大小！最後上碟淋上白酒汁😋
Search